SYMARIP - SKINHEAD GIRL

Ska musikaren barnean aurkitzen den gehien entzun eta kopiatu den abestietako bat da hau. Seguruenik zuetako askok abestu duzuela abesti hau Zakarrak taldearen erderazko letrarekin. Bada, dena den, zuek baino lehen hau abestu zuen jende asko, bai Jamaikan, bai Ingalaterran. Abesti honen sortzailea, Mr. Symarip (Roy Ellis) izan zen. "The Pyramids" taldean ibili ondoren, letrei buelta batzuk eman eta Symarip bezala eman zen ezagutzera. Haren diskarik famatuena "Skinhead Moonstomp" klasikoa da, mundu osoan famatu bihurtu zuena. Harekin Skinhead mugimenduaren fideltasuna lortu zuen, horrelako abestiekin...

Ingalaterrara iristean izugarrizko arrakasta euki zuen doinu honek, bertan aurkitzen baitzen Skinhead mugimendu nagusia. Handik urte batzuetara Bad Manners ingelesek bertsio propioa kaleratu zuten, 2 tone influentzia nabariarekin. Hemen ikusi ditzakegu duela gutxi Euskal Herrian emandako kontzertu batean. Talde hau gustoko baduzue, berri onak dakartzagu: Gasteizen eta Bartzelonan izango dira jotzen Martxoaren bukaeran.



Punkaren agerpenak ska musikan berrikuntza asko ekarri zituen. Ska edo reggae abesti ugari garai berrietara moldatu ziren, 2 tone taldeekin batez ere, baina baita Oi! talde batzuekin. Ska musika Oi! bihurtzeaz hitz egiten badgu ezin daiteke talde bat ahaztu: The Oppressed, 1981an sortuak. Toots and the Maytals edo Symarip bezalako taldeen bertsio batzuk aurkitu ditzakegu talde honen disketan. Rody Morenok burutuako talde honek SHARP mugimendua ekarri zuen Estatu Batuetatik Europara, faxisten aurkako jarrera sutsua erakutsiz. Orain dela hilabete batzuk izan ziren jotzen Bilbon eta Iparralden.

The Oppresseden bertsio hau hamaika hizkuntzetan entzun dezakegu gaur, errusieraz eta guzti! Guk hemen Arrasateko "Zakarrak" taldearen primerako bertsioa uztziko dizuegu, disfrutatu!